Beowulf — Canto XXV
XXV
A gratidão de Hrothgar. O discurso do rei
Bēowulf maðelode, bearn Ecgþēowes:
Beowulf falou, o filho de Ecgtheow:
"Hwæt! wē þē þās sǣ-lāc, sunu Healfdenes,
“Vê! Estes despojos do mar, filho de Healfdene,
"lēod Scyldinga, lustum brōhton,
príncipe dos Scyldings, com prazer te trouxemos,
"tīres tō tācne, þē þū hēr tō lōcast.
testemunho de triunfo, que tu aqui contemplas.
"Ic þæt unsōfte ealdre gedīgde:
Disso escapei com vida, a duras penas:
"wigge under wætere weorc genēðde
na luta sob as águas arrisquei a labuta
"earfoðlīce, æt-rihte wæs
com grande esforço; por pouco teria sido
"gūð getwǣfed, nymðe mec god scylde.
a guerra encerrada, se Deus não me guardasse.
"Ne meahte ic æt hilde mid Hruntinge
Não pude no combate com Hrunting
"wiht gewyrcan, þēah þæt wǣpen duge,
fazer coisa alguma, embora a arma valha;
"ac mē geūðe ylda waldend,
mas me concedeu o Soberano dos homens
"þæt ic on wāge geseah wlitig hangian
que eu visse na parede, vistosa, pendente,
"eald sweord ēacen (oftost wīsode
uma velha espada enorme (amiúde ele guiou
"winigea lēasum) þæt ic þȳ wǣpne gebrǣ.
os desamparados de amigos), e eu brandi essa arma.
"Ofslōh þā æt þǣre sæcce (þā mē sǣl āgeald)
Matei então na refrega (quando a hora me coube)
"hūses hyrdas. Þā þæt hilde-bil
os guardas da casa. Então a lâmina de guerra
"forbarn, brogden mǣl, swā þæt blōd gesprang,
se consumiu, o aço lavrado, quando o sangue jorrou,
"hātost heaðo-swāta: ic þæt hilt þanan
o mais quente suor da guerra; eu o punho de lá
"fēondum ætferede; fyren-dǣda wræc,
aos inimigos tomei; vinguei os crimes,
"dēað-cwealm Denigea, swā hit gedēfe wæs.
a morte dos dinamarqueses, como era devido.
"Ic hit þē þonne gehāte, þæt þū on Heorote mōst
Pois eu te prometo que poderás em Heorot
"sorh-lēas swefan mid þīnra secga gedryht,
dormir sossegado com o séquito dos teus varões,
"and þegna gehwylc þīnra lēoda,
e cada um dos vassalos da tua gente,
"duguðe and iogoðe, þæt þū him ondrǣdan ne þearft,
veteranos e jovens, e não terás de temer por eles,
"þēoden Scyldinga, on þā healfe,
ó senhor dos Scyldings, daquela banda,
"aldor-bealu eorlum, swā þū ǣr dydest."
ruína da vida aos nobres, como antes receavas.”
Þā wæs gylden hilt gamelum rince.
Então foi o punho de ouro ao guerreiro idoso,
hārum hild-fruman, on hand gyfen,
ao grisalho chefe de guerra, entregue na mão,
enta ǣr-geweorc, hit on ǣht gehwearf
antiga obra de gigantes; ele à posse passou,
æfter dēofla hryre Denigea frēan,
depois da queda dos demônios, do senhor dos dinamarqueses,
wundor-smiða geweorc, and þā þās worold ofgeaf
obra de ferreiros portentosos; e quando deixou o mundo
grom-heort guma, godes andsaca,
o homem de coração feroz, o adversário de Deus,
morðres scyldig, and his mōdor ēac;
culpado de matança, e a mãe dele também,
on geweald gehwearf worold-cyninga
passou ao poder dos reis deste mundo,
þǣm sēlestan be sǣm twēonum
ao mais excelente entre os dois mares,
þāra þe on Sceden-igge sceattas dǣlde.
dos que em Scedenig repartiram tesouros.
Hrōðgār maðelode, hylt scēawode,
Hrothgar falou, examinou o punho,
ealde lāfe, on þǣm wæs ōr writen
a antiga herança, onde a origem foi escrita
fyrn-gewinnes: syððan flōd ofslōh,
da peleja de outrora, quando o dilúvio abateu,
gifen gēotende, gīganta cyn,
o mar que jorrava, a geração dos gigantes;
frēcne gefērdon: þæt wæs fremde þēod
terrível sorte tiveram: era um povo afastado
ēcean dryhtne, him þæs ende-lēan
do eterno Senhor; a paga extrema disso
þurh wæteres wylm waldend sealde.
pelo ímpeto das águas o Soberano lhes deu.
Swā wæs on þǣm scennum scīran goldes
Assim estava nas guardas de ouro reluzente
þurh rūn-stafas rihte gemearcod,
em letras rúnicas retamente gravado,
geseted and gesǣd, hwām þæt sweord geworht,
disposto e declarado para quem a espada,
īrena cyst ǣrest wǣre,
o mais seleto dos ferros, fora feita primeiro,
wreoðen-hilt and wyrm-fāh. þā se wīsa spræc
punho trançado, serpes lavradas. Então falou o sábio,
sunu Healfdenes (swīgedon ealle):
o filho de Healfdene (calaram-se todos):
"Þæt lā mæg secgan, sē þe sōð and riht
“Isto, sim, pode dizer quem verdade e direito
"fremeð on folce, (feor eal gemon
cumpre entre o povo (tudo lembra de longe
"eald ēðel-weard), þæt þes eorl wǣre
o velho guardião da pátria), que este nobre foi
"geboren betera! Blǣd is ārǣred
nascido melhor! Erguida está a glória
"geond wīd-wegas, wine mīn Bēowulf,
por vias largas, meu amigo Beowulf,
"þīn ofer þēoda gehwylce. Eal þū hit geþyldum healdest,
a tua, sobre todos os povos. Tudo isso tu guardas com calma,
"mægen mid mōdes snyttrum. Ic þē sceal mīne gelǣstan
a força com o saber da mente. Contigo hei de cumprir
"frēode, swā wit furðum sprǣcon; þū scealt tō frōfre weorðan
a amizade, como nós dois dissemos; tu hás de ser um consolo
"eal lang-twidig lēodum þīnum,
duradouro e inteiro para a tua gente,
"hæleðum tō helpe. Ne wearð Heremōd swā
amparo dos heróis. Assim não foi Heremod
"eaforum Ecgwelan, Ār-Scyldingum;
aos herdeiros de Ecgwela, aos honrados Scyldings;
"ne gewēox hē him tō willan, ac tō wæl-fealle
não cresceu para o bem deles, mas para a matança
"and tō dēað-cwalum Deniga lēodum;
e para a destruição mortal dos dinamarqueses;
"brēat bolgen-mōd bēod-genēatas,
matou, de ânimo irado, os companheiros de mesa,
"eaxl-gesteallan, oð þæt hē āna hwearf,
os parceiros de ombro, até que partiu sozinho,
"mǣre þēoden. mon-drēamum from:
o renomado senhor, longe da alegria dos homens:
"þēah þe hine mihtig god mægenes wynnum,
embora Deus poderoso com os gozos da força,
"eafeðum stēpte, ofer ealle men
com vigor o elevasse, acima de todos os homens
"forð gefremede, hwæðere him on ferhðe grēow
o fizesse avançar, porém lhe cresceu no espírito
"brēost-hord blōd-rēow: nallas bēagas geaf
tesouro do peito, sangrento: não dava anéis
"Denum æfter dōme; drēam-lēas gebād,
aos dinamarqueses por glória; viveu sem deleite,
"þæt hē þæs gewinnes weorc þrowade,
e assim padeceu a pena daquela peleja,
"lēod-bealo longsum. Þū þē lǣr be þon,
longa ruína do povo. Disso toma lição,
"gum-cyste ongit! ic þis gid be þē
compreende o valor de homem! Eu este canto, por ti,
"āwræc wintrum frōd. Wundor is tō secganne,
contei, sábio de invernos. É maravilha dizer
"hū mihtig god manna cynne
como o poderoso Deus à raça dos homens
"þurh sīdne sefan snyttru bryttað,
com largo coração reparte a sabedoria,
"eard and eorl-scipe, hē āh ealra geweald.
terra e nobreza; de tudo tem o domínio.
"Hwīlum hē on lufan lǣteð hworfan
Às vezes ele deixa pelas posses vaguear
"monnes mōd-geþonc mǣran cynnes,
a mente de um homem de estirpe famosa,
"seleð him on ēðle eorðan wynne,
dá-lhe na pátria o prazer da terra,
"tō healdanne hlēo-burh wera,
para guardar o burgo-abrigo dos homens,
"gedēð him swā gewealdene worolde dǣlas,
torna-lhe sujeitas as partes do mundo,
"sīde rīce, þæt hē his selfa ne mæg
vastos reinos, tais que ele mesmo não pode
"for his un-snyttrum ende geþencean;
por sua insensatez pensar no seu fim;
"wunað hē on wiste, nō hine wiht dweleð,
mora na fartura, nada o molesta,
"ādl nē yldo, nē him inwit-sorh
nem doença nem velhice, nem mágoa de malícia
"on sefan sweorceð, nē gesacu ōhwǣr,
lhe ensombra o coração, nem querela em lugar algum,
"ecg-hete ēoweð, ac him eal worold
ódio de gume aparece, mas o mundo inteiro
"wendeð on willan; hē þæt wyrse ne con,
gira a seu gosto; ele o pior não conhece,
"oð þæt him on innan ofer-hygda dǣl
até que dentro dele uma porção de soberba
"weaxeð and wridað, þonne se weard swefeð,
cresce e viceja, quando o vigia dorme,
"sāwele hyrde: bið se slǣp tō fæst,
o pastor da alma: o sono é sólido demais,
"bisgum gebunden, bona swīðe nēah,
preso de cuidados, e perto o matador
"sē þe of flān-bogan fyrenum scēoteð.
que do arco de flechas atira com maldade.”
25 de 44 · índice